Anong Tax Ang Dapat Bayaran Sa Pagbebenta Ng Lupa?


“ANO ANG MGA TAXES NA DAPAT BAYARAN SA PAGBEBENTA NG LUPA? MAY MGA EXEMPTION BA ITO?”

ANG PAGBEBENTA NG FAMILY HOME UPANG BUMILI NG PANIBAGONG FAMILY HOME AY EXEMPTED SA 6% NA CAPITAL GAINS TAX KUNG PAGBILI NG PANIBAGONG FAMILY HOME AY GINAWA WITHIN A PERIOD OF 18 MONTHS MULA SA PAGBEBENTA NITO.

Isa sa mga question sa E-Lawyers Online ay kung ano ang mga taxes na dapat bayaran kung magbebenta sila ng kanilang bahay at lupa at ang iba ay nagtatanong kung paano ba makakamura sa tax o maiiwasan ito. Ganito ang tanong ng isang reader ng E-Lawyers Online:

“Attorney, balak po namin ibenta ang tirahan namin sa probinsiya at bumili ng bagong bahay at lupa sa Maynila dahil lilipat na po kami at doon magkolehiyo ang mga bata. Nagpacompute na po ako ng tax at medyo po malaki ang babayaran ko sa capital gains tax. Meron po ba way para maiwasan ito o mabawasan?”

Ang ng pagbili o pagbebenta ng lupa o condominium unit at paglilipat ng titulo mula sa pangalan nagbenta papunta sa bumili ay nangangailangan munang magbayad sa BIR ng capital gains tax na 6% of the contract price o BIR zonal value, whichever is higher, at documentary stamp tax na 1.5% of the contract price o BIR zonal value, whichever is higher. Kung nabayaran ito sa BIR, sila ay magbibigay ng BIR Certificate Authorizing Registration (CAR) bilang pahintulot sa paglipat ng titulo ng lupa sa pangalan ng nakabili. Ang mga taxes na ito ay dapat bayaran on the 5th day of the succeeding month from the date of notarization of the deed. Kung hindi mo nabayaran ang taxes sa tamang oras, ito ay magkakaroon ng interest per year at penalty and surcharge na 25% ng amount of tax due.

Bukod dito, kailangan din na bayaran ang transfer tax sa munisipyo o city base sa computation nila na karaniwan ay 1/2 of 1% of the contract price o BIR zonal value, whichever is higher at bayaran ng buo ang mga amilyar o real estate taxes. Kung nabayaran na ang transfer tax at real estate tax, ang City Treasurer ay magbibigay ng Tax Clearance at Certification of Transfer Tax Payment bilang pahintulot sa paglipat ng titulo ng lupa sa pangalan ng nakabili.

Ang Registry of Deeds ay hindi irerehistro ang deed of sale at ililipat ang pangalan ng titulo sa nakabili kung wala ang BIR Certificate Authorizing Registration (CAR), Tax Clearance at Certification of Transfer Tax Payment.

Alam niyo ba na nasa Section 24(D)(2) of the Tax Code of 1997, ang pagbebenta ng family home o principal residence ng isang tao ay exempted sa capital gains tax imposed under Section 24 (D)(1) of the same Code, kung ang pera na napagbentahan ay gagamitin lahat upang magtayo o bumili ng panibagong family home within eighteen (18) calendar months from the date of sale or disposition. Ang privilege na ito ay pwedeng gamitin lamang once every (10) years.

Ang nasabing exemption ay i-annotate ng Register of Deeds sa likod ng transfer certificate of title na kung saan ang tax exemption shall be rendered null and void and that the entire proceeds of the said sale shall be subject to the capital gains tax and the corresponding penalties in case ang nagbenta ng family home ay hindi tumupad sa mga kundisyon ng batas. Usually, ang pera na na-assess ay pinapadeposit muna ng Escrow sa BIR accredited bank at ito ay pwede nang iwithdraw ng seller ng residential hous kung napakita na niya sa BIR na nakabili na ng bagong residential house siya gamit ang napagbentahan sa unang tirahan.

Kung gusto nyo magtanong ukol sa exemption sa capital gains tax o kailangan nyo ng tulong sa pag-prepare ng documents, register at my website at www.e-lawyersonline.com.

Visit and also like my FB page E-Lawyers Online. Ito ang link http://www.facebook.com/E.Lawyers.Online.


Leave a Reply