Maaari Bang Hindi Gamitin Ng Asawang Babae Ang Apelyido Ng Asawa Kahit Na Kasal?

“PWEDE NA BA AKONG BUMALIK ATTY SA MAIDEN NAME KO KASI MATAGAL NA KAMI HIWALAY NI MISTER KO?”

ANG BABAENG KASAL NA GUMAMIT NG APELYIDO NG KANYANG MISTER AY PWEDENG BUMALIK SA PAGGAMIT NG KANYANG MAIDEN NAME O APELYIDO SA PAGKADALAGA KUNG MAY FINAL COURT DECISION NA SA ANNULMENT OF MARRIAGE AT SIYA ANG GUILTY PARTY.

May nagtanong sa E-Lawyers Online kung pwede bang bumalik sa maiden name ang babeng kasal kung matagal na silang hiwalay ni mister. Ganito ang question ng isang reader ng E-Lawyers Online:

“Matagal na kami atty na hiwalay ng mister ko at nais kong magabroad. Kaso gamit ko pa apelyido nya at gusto ko sa passport na gamitin ang pagkadalaga na apelyido ko. Nagtry po ako sa DFA at sinabi po na may unang passport na ako surname ng mister ko, need ko daw court order. Tama po ba yon atty?”

Ang babaeng kasal ay may karapatan na manatiling gamit ang kanyang maiden name at hindi gamitin ang apelyido ng kanyang mister. Kung nagsimula na siyang gamitin ang apelyido ng mister niya sa mga public documents, kailangan niya ng court order para bumalik sa apelyido niya sa pagkadalaga. Nasa Article 371 ng New Civil Code na ang pagbalik sa maiden name ng babae ay nagaganap kung ang babae ang guilty party sa annulment of marriage, o may court order o nagpakasal muli ang lalaki.

Article 371. In case of annulment of marriage, and the wife is the guilty party, she shall resume her maiden name and surname. If she is the innocent spouse, she may resume her maiden name and surname. However, she may choose to continue employing her former husband’s surname, unless:

(1) The court decrees otherwise, or

(2) She or the former husband is married again to another person.

Nasa Article 371 naman ay nagsasabi na in case of annulment of marriage, kung ang babae ay ang guilty party, tinatakda ng batas na bumalik siya sa kanyang maiden name and surname pero kung innocent party siya, ang babae ay pinapamili ng batas na bumalik sa kanyang maiden name and surname o patuloy na gumamit ng kanyang ex-husband’s surname, unless ito ay sinabi ng korte na hindi pwede o siya o ang lalaki ay nagpakasal muli sa ibang tao.

Article 372. When legal separation has been granted, the wife shall continue using her name and surname employed before the legal separation.

Iba ang rule sa legal separation dahil ang wife ay tinatakda ng batas to use her name and surname na ginamit before the legal separation dahil ang epekto nito ay valid pa rin ang marriage nila at may bisa pa rin.

Kagaya ng question ng reader, kung nakapamili na ang isang babaeng kasal ng gagamitin niya na apelyido at ginamit na niya ito sa passport niya ay hindi na niya ito pwedeng baguhin kaagad ng walang court order ayon sa isang Supreme Court decision (Remo vs. Secretary of Foreign Affairs, G.R. 169202, March 5, 2010.) na nagsasabi na ang kung ang isang Filipina na kasal ay gumamit na sa kanyang husband’s surname sa kanyang passport, hindi na siya pwedeng bumalik ng paggamit sa surname niya sa pagkadalaga o bumalik sa paggamit ng maiden name niya except in cases kung saan (1) death of the husband, (2) divorce (3) annulment, or (4) declaration of nullity of marriage. Kung ang kasal ng isang Filipina ay hindi pa annuled or declared invalid ng korte, hindi niya magagamit ang kanyang maiden name o apelyido sa pagkadalaga sa replacement/renewal passport niya.

May sinusulong ngayon na batas at pinapaaprobahan pa sa Kongreso si Cong. Gloria Macapagal-Arroyo na ang tawag ay House Bill 6028 kung saan papayagan na ang pagbalik sa maiden name ng isang babaeng kasal sa pamamagitan lamang ng administrative action sa Local Civil Registrar sa mga sumusunod na sitwasyon:

a) After her marriage has been judicially declared null and void or after its annulment;

b) After a judicial declaration of legal separation, provided that there has been no manifestation of reconciliation filed with the court;

b) After a judicial declaration of separation of property, provided there has been no subsequent decree reviving the old property regime between the spouses;

c) If the spouses stipulated in their marriage settlement that a regime of’ separation of properties shall govern their property relations;

d) If the petitioner has been de facto separated from or abandoned by her husband for a period of not less than 10 years; or

e) If the petitioner’s husband may be presumed dead pursuant to the circumstances, periods and conditions set forth in the Civil Code of the Philippines and the Rules of Court.

Kung gusto nyo na magkonsulta tungkol sa change of name or surname at kailangan na mga dokumento nito, register at my website at www.e-lawyersonline.com.

Visit and also like my FB page E-Lawyers Online. Ito ang link http://www.facebook.com/E.Lawyers.Online.

Kung gusto niyo naman ng video-chat consultation, magregister sa www.lexmeet.com.

All copyright of this post is reserved by Atty. Marlon P. Valderama and E-Lawyers Online. Sharing is allowed provided the author is acknowledged and clearly indicated.

Add a Comment

Your email address will not be published. Required fields are marked *