Pwede Bang Magparecognize ng Divorce sa Pilipinas Na Kinuha Sa Abroad?


ATTY., PWEDE BA MAGPARECOGNIZE NG DIVORCE SA PILIPINAS NA KINUHA KO SA ABROAD?

ANG DIVORCE NA PWEDENG IPARECOGNIZE SA KORTE SA PILIPINAS AY ANG DIVORCE NA SINAMPA NG FOREIGNER SPOUSE LABAN SA FILIPINO NA ASAWA AYON SA ARTICLE 26 NG FAMILY CODE. KUNG ANG DIVORCE AY KINUHA NG ISANG FILIPINO O KAYA NG PAREHONG FILIPINO SA ABROAD O IBANG BANSA, ITO AY WALANG EPEKTO ITO SA PILIPINAS AT HINDI PWEDENG IPARECOGNIZE SA KORTE NG PILIPINAS. DAHIL WALA PANG DIVORCE LAW SA PILIPINAS AT ANUMAN NA PROSESO NA MAKAKAAPEKTO SA FAMILY RIGHTS, DUTIES, STATUS, CONDITION O LEGAL CAPACITY NG ISANG FILIPINO KAHIT SIYA AY NASA ABROAD, ANG BATAS NG PILIPINAS PA RIN ANG APPLICABLE AT MANANAIG AT HINDI ANG BATAS NG IBANG BANSA.

Magagamit ba ng isang Filipino ang divorce na kinuha niya sa ibang bansa para makapagsampa ng judicial recognition of foreign divorce dito sa Pilipinas? Ito ang question ng isang reader ng E-Lawyers Online. May silbi nga ba ang divorce na kinuha sa abroad ng isang Filipino?

“Ako po atty ay nasa Hongkong at may nagsabi sa akin na pwede ako magdivorce dito sa HK. Nagbayad po ako ng 2,000 HK$ sa lawyer dito at dinala ko po sa NSO natin. Ayaw po tanggapin dahil wala daw po bisa yun. Tama po ba sila atty? Please help po dahil sayang naman pera ko atty, please.”

“Hello po atty, I just want to ask if I could file judicial recognition of divorce dyan sa Pilipinas. Nadivorce ko na asawa ko sa Phils at malapit na po ako mag citizen dito sa Australia. Let me know atty, thanks.”

Ngayon, wala pang divorce law sa Pilipinas at ayon sa ating batas “our family laws do not recognize absolute divorce between Filipino citizens.” [A. Tolentino, Commentaries and Jurisprudence on the Civil Code of the Philippines, Volume One, with the Family Code of the Philippines (2004 ed.), p. 262 cited in Corpuz vs. Sto. Tomas, G.R. No. 186571, August 11, 2010]

Ang divorce sa pagitan ng dalawang Filipino (except if parehong Muslim at ginawang divorce under P.D. 1083 [“Code of Muslim Personal Laws of the Philippines”]) ay walang bisa at hindi nirerecognize sa Pilipinas. Ang isang foreign divorce o divorce na kinuha sa ibang bansa ay pwedeng iparecognize sa korte sa Pilipinas kung ang kumuha nito ay ang foreigner na asawa laban sa kanyang Filipino na asawa at ito ay magbibigay ng karapatan sa Filipino na asawa na mag-asawa muli. Ito ay nasa Article 26 ng Family Code of the Philippines.

Art. 26. All marriages solemnized outside the Philippines, in accordance with the laws in force in the country where they were solemnized, and valid there as such, shall also be valid in this country, except those prohibited under Articles 35 (1), (4), (5) and (6), 3637 and 38. (17a)

Where a marriage between a Filipino citizen and a foreigner is validly celebrated and a divorce is thereafter validly obtained abroad by the alien spouse capacitating him or her to remarry, the Filipino spouse shall have capacity to remarry under Philippine law. (As amended by Executive Order 227)

Paano kung ang divorce ay kinuha ng isang Filipino sa abroad laban sa kanyang asawang Filipino, pwede ba ito iparecognize sa korte sa Pilipinas?

Hindi. Pinapayuhan ko ang mga OFW na nasa abroad na huwag silang kumuha ng divorce sa ibang bansa dahil sayang lang ang pera nyo. Ang divorce na kinuha ng isang Filipino sa abroad o ibang bansa ay walang epekto sa Pilipinas. Kung magkakaroon man ng Divorce Law sa Pilipinas, wala pa ring epekto sa Pilipinas ang divorce na kinuha ng Filipino sa abroad/ibang bansa dahil ang divorce na recognize o may bisa ay ang divorce na kinuha ng Filipino sa ilalim ng batas ng Pilipinas at hindi sa ilalim ng batas ng ibang bansa.

Ang Personal and Family Law ng Pilipinas ay based sa Nationality Rule o Nationality Theory na nasa Article 15 ng New Civil Code natin na “laws relating to family rights and duties, or to the status, condition and legal capacity of persons are binding upon citizens of the Philippines, even though living abroad.” Ibig sabihin, ang batas ng Pilipinas tungkol sa karapatan at obligasyon sa pamilya, estado, kundisyon at kapasidad na legal ay nakatali o nakakabit o applicable sa lahat ng Filipino kahit sila ay nakatira sa ibang bansa. Kahit nasaan ka mang panig ng mundo, kung ang status mo sa Pilipinas o bilang Filipino ay “married” ay considered na married ka pa rin saan ma at Philippine courts lang ang pwede magpawalang bisa ng kasal mo. Dahil ang batas ng Pilipinas ay sumusunod sa Nationality Rule o Theory, anumang divorce ang kinuha ng isang Filipino sa ibang bansa ay walang epekto sa Pilipinas at considered na kasal pa rin ito. Ang divorce decree na kinuha sa ibang bansa ng isang Filipino ay hindi irerehistro ng National Statistics Office (NSO) dahil ito ay walang bisa sa batas ng Pilipinas.

Kung kaya ang divorce na kinuha ng mag-asawang Filipino o isang Filipino sa ibang bansa ay walang bisa. Ito ay pinagbabawal din sa Article 17 ng New Civil Code kung saan sinasabi na “prohibitive laws concerning persons, their acts or property, and those which have, for their object, public order, public policy and good customs shall not be rendered ineffective by laws or judgments promulgated, or by determinations or conventions agreed upon in a foreign country.” Ibig sabihin nito na ang batas ng Pilipinas ay hindi pwedeng mabalewala ng anumang batas o desisyon ng korte o napagkasunduan sa ibang bansa.

“Article 17 of the Civil Code provides that the policy against absolute divorces cannot be subverted by judgments promulgated in a foreign country. The inclusion of the second paragraph in Article 26 of the Family Code provides the direct exception to this rule and serves as basis for recognizing the dissolution of the marriage between the Filipino spouse and his or her alien spouse.” [Corpuz vs. Sto. Tomas, G.R. No. 186571, August 11, 2010]

ANO ANG DIVORCE NAMAN NA NIRERECOGNIZED SA PILIPINAS?

ANG DIVORCE NA NIRERECOGNIZED SA PILIPINAS AY ANG DIVORCE UNDER MUSLIM PERSONAL AND FAMILY LAW (P.D. 1083) AT ANG DIVORCE NA KINUHA SA ABROAD NG ISANG FOREIGNER LABAN SA KANYANG FILIPINO NA ASAWA AT ITO AY NAGBIBIGAY NG KARAPATAN SA NAIWANG ASAWA NA FILIPINO NA MAG-ASAWA MULI PAGKATAPOS NG JUDICIAL RECOGNITION OF FOREIGN DIVORCE.

Nasa Article 26 ng Family Code na kung ang kasal ay naganap sa pagitan ng foreigner at Filipino at ang foreigner ay kumuha ng divorce sa bansa niya, ang Filipino ay may karapatan na mag-asawang muli ngunit kailangan muna niya na magfile ng judicial recognition of foreign divorce sa korte sa Pilipinas. Ang judicial recognition of foreign divorce ay required under NSO Circular No. 4, series of 1982, and Department of Justice Opinion No. 181, series of 1982 at kung wala nito ay considered na valid pa rin ang marriage ng Filipino spouse.

Ang pagrerehistro ng copy ng divorce decree sa Philippine Local Civil Registrar ay hindi sapat para mawalan ng bisa ang nasabing kasal dahil kailangan patunayan sa korte, sa prosesong judicial recognition of foreign divorce, na valid ang divorce na kinuha ng foreigner in accordance with his national law. Ang batas sa ibang bansa (foreign law) at ang mga decision ng korte sa ibang bansa (foreign judgment) ay kailangan patunayan bilang facts dahil ang korte sa Pilipinas ay hindi nirerecognize ang ibang batas at desisyon ng korte ng ibang bansa.

Kung magkaroon man ng Divorce Law sa Pilipinas, aside from the divorce under Presidential Decree No. 1083 otherwise known as the “Code of Muslim Personal Laws of the Philippines”, ito lamang divorce na ito ang irerecognize ng Philippine law.

Sino ba ang may karapatan na magsampa ng judicial recognition of foreign divorce?

Ang Filipino spouse lamang ang pwedeng magsampa ng judicial recognition of foreign divorce at hindi ang alien o foreigner spouse ayon sa Supreme Court case na Corpuz vs. Sto. Tomas, G.R. No. 186571, August 11, 2010. “The legislative intent is for the benefit of the Filipino spouse, by clarifying his or her marital status, settling the doubts created by the divorce decree. Essentially, the second paragraph of Article 26 of the Family Code provided the Filipino spouse a substantive right to have his or her marriage to the alien spouse considered as dissolved, capacitating him or her to remarry. x x x Given the rationale and intent behind the enactment, and the purpose of the second paragraph of Article 26 of the Family Code, the RTC was correct in limiting the applicability of the provision for the benefit of the Filipino spouse. In other words, only the Filipino spouse can invoke the second paragraph of Article 26 of the Family Code; the alien spouse can claim no right under this provision.”

Kung gusto nyo magtanong ukol sa judicial recognition of foreign divorce o annulment of marriage, register at my website at www.e-lawyersonline.com.

Visit and also like my FB page E-Lawyers Online. Ito ang link http://www.facebook.com/E.Lawyers.Online.


Leave a Reply