Sponsored Links
Advertisement

Hanggang Kailan?


Isipan ay naglalakbay sa alaala ng nakalipas,
Madaming gustong sagutin ngunit sadyang kumakaripas,
Kaway ng isang anino gustong isipin na malas.

Sa gilid ng kwarto nagmumukmok sa pangungulila,
Pait ng kahapon hindi maisara, pilit na bumubukas pa,
Sinisilip ng pagkukunwaring saya.

Mas domodoble ang hinagpis sa gabing nag-iisa,
Hinahanap yakap ng taong nakasama,
Iniisip,sumasayaw sa maharot na musika.

Dantay ng kamay parang magnetismo,
Dinadala sa alapaap, pakiramdam nagbabago,
Naigupo muli ng sariling pagkalito.

Hanggang kailan huhugutin ang punyal na nakatarak?
Nanlalatang katawan pilit pa rin lumalaban,
Pag-asa muling pinanghahawakan.

Hanggang kailan kakayanin tumawid?
Sa makitid at marupok na lubid,
Sa daang puno ng hinanakit.


12 Comments

  1. A-Z-E-L June 16, 2009
  2. Ching June 16, 2009
  3. Ching June 16, 2009
  4. Bhing June 16, 2009
  5. The Pope June 16, 2009
  6. A-Z-E-L June 16, 2009
  7. Bhing June 16, 2009
  8. rodel June 16, 2009
  9. HARI NG SABLAY June 16, 2009
  10. Bhing June 17, 2009
  11. Kosa June 17, 2009
  12. Bhing June 17, 2009

Leave a Reply