Sponsored Links
Advertisement

Respeto ang Sigaw




OFW kami, isang dakilang manggagawa,
Talino at dunong dala sa ibang bansa,
Pilipino kami sa isip, sa salita at sa gawa,
Kami ba’y dapat pang humingi ng pang-unawa?

Hirap ang kalooban na iniwan ang pamilya,
Dinudurog ang puso sa paglayo sa bansa,
Ngunit masisisi ba kami kung mangarap ng laksa?
Kung ang pangarap ang tatawid sa nahihikahos na bansa?

Sabihin ng lumuwas para lang sa sarili,
Para magliwaliw at sumabay lang sa biyahe,
O kaya’y dahil sa nais makamit perang marami,
Tama bang kaming husgahan at kapwa lahi pa ang umapi?

Hindi kami perpekto at mas lalong hindi santa,
Subalit may mga tao pa ring hangad ay maganda,
Nanatiling mabuti at tapat sa sinumpaan sa dambana,
Kaya hiling namin pagmamahal at pang-unawa.

Masama bang mangarap na umunlad?
Masama bang ibigay ang buhay na may dignidad?
Respeto ang aming sigaw at hangad,
Sa kababayan na tila ba nakapinid ang utak.


14 Comments

  1. Everlito (ever) Villacruz August 26, 2009
  2. Mr. Thoughtskoto August 26, 2009
  3. Lord CM August 26, 2009
  4. A-Z-E-L August 26, 2009
  5. EǝʞsuǝJ August 26, 2009
  6. Jee August 26, 2009
  7. The Pope August 26, 2009
  8. The Pope August 26, 2009
  9. bizjoker-of-the-philippines August 26, 2009
  10. Dhianz August 27, 2009
  11. Kosa August 27, 2009
  12. isladenebz August 29, 2009
  13. enjoy August 30, 2009
  14. BlogusVox August 30, 2009

Leave a Reply