Sponsored Links
Advertisement

May Bisa Ba Ang Kasal Kung Mali Ang Spelling Ng Pangalan?


“MAY EPEKTO BA SA BISA NG KASAL ANG MALING SPELLING NG PANGALAN SA MARRIAGE CERTIFICATE?”

ANG MALING SPELLING O ANUMANG KAMALIAN SA PANGALAN NG KINASAL SA KANIYANG MARRIAGE CONTRACT AT ANUMANG KAMALIAN SA BIRTHDAY O DATE OF MARRIAGE O PLACE OF MARRIAGE AY WALANG EPEKTO SA BISA NG KASAL AT ITO AY MANANATILING MAY BISA. ANG WRONG SPELLING NG NAME, WRONG DATE OF BIRTH AT IBA PANG DEPEKTO SA MARRIAGE CONTRACT AY HINDI PWEDENG GAMITING GROUND SA ANNULMENT NG MARRIAGE O DECLARATION OF NULLITY OF MARRIAGE. 

Marami ang nagtatanong sa E-Lawyers Online kung meron bang bisa ang kanilang kasal dahil may wrong spelling ang kanilang name o may error ang kanilang date of birth a nasa marriage contract. Meron ding nagtatanong kung meron bang bisa ang kasal kung saan ibang pangalan o name ang ginamit ng kanyang asawa sa marriage contract. Ganito ang question ng isang reader ng E-Lawyers Online:

“Attorney, ako po ay kinasal under the name na “Christian” na yon po nakagawian ko na pangalan na gamit sa iba ko dokumento. Lately ko na lang po na nadiscover na nasa birth certificate ko po ay Christopher. Nagkakalabuan na po kami ng misis ko dahil 6 years na kami na madalang komunikasyon. Meron po ako now nagustuhan, pwede ko po pakasalan ang gf ko dahil mali naman ang name na gamit ko sa unang kasal?”

Meron ding nagtatanong na pwede na ba silang magpakasal ng walang annulment of marriage dahil hindi naman daw tamang name o totoong pangalan niya ang nakalagay sa marriage contract. Mali ang kaisipang ito dahil ang wrong spelling o wrong name sa marriage contract ay hindi nakakaapekto sa validity ng kasal.

Walang batas sa Pilipinas o sa Family Code ang nagsasabi na walang bisa ang isang kasal dahil lamang sa wrong spelling ng mga kinasal o wrong date of birth na nasa marriage contract. Ang correct name or date of birth sa isang marriage contract sa NSO ay hindi essential o formal requirements ng batas o ng Family Code para maging valid ang isang kasal. Ibig sabihin, ang kasal ay valid o may bisa kahit mali ang spelling ng name ng kinasal na nasa marriage contract o mali ang date of birth niya. Ang mali o error o hindi totoong pangalan ng taong kinasal sa marriage contract o marriage certificate o anumang depekto sa marriage contract ay hindi ground sa annulment ng marriage at hindi pwedeng ipa-annul sa korte.

Ayon sa Article 4 ng Family Code, a defect in any of the essential requisites shall not affect the validity of the marriage but the party or parties responsible for the irregularity shall be civilly, criminally and administratively liable. Ang depekto sa name o pangalan ng kinasal ay hindi nakakaapekto sa validity ng marriage. Pero kung hindi depekto kundi kawalan o absence ng tao na kinasal sa marriage ceremony, ito ay void ab initio at pwedeng mapawalang bisa sa korte. Bilang halimbawa: Kung ang isang tao ay gumamit ng pangalan na hindi niya totoong pangalan sa kanyang marriage contract, ang kanyang kasal ay valid o may bisa ngunit pwede siyang mademanda ng usurpation of status o falsification of document.

Subalit kung ang mali ay ang date and/or year of birth kung saan pinalabas lamang na 18 years old ang kinasal ngunit sa katotohanan ay siya ay below 18 years old ng kinasal, ito ay pwedeng gamitin sa declaration of nullity of marriage dahil malinaw ito na underage marriage. Ang kasal na below 18 years of age ay void dahil ng lack of legal capacity to marry.

Kung gusto nyo na magkonsulta tungkol sa tamang pagpapakasal at kailangan na mga dokumento nito o sa tamang proseso ng annulment, register at my website at www.e-lawyersonline.com.

Visit and also like my FB page E-Lawyers Online. Ito ang link http://www.facebook.com/E.Lawyers.Online.

 


Leave a Reply