Sponsored Links
Advertisement

May Supporta Pa Bang Makukuha Kung Annulled Na Ang Kasal?


ANG OBLIGASYON NG MAG-ASAWA NA MAGSUPORTA SA ISAT-ISA AY NAWAWALA KUNG MAY FINAL NA DECISION ANG KORTE SA ANNULMENT OF MARRIAGE O DECLARATION OF NULLITY OF MARRIAGE DAHIL DITO AY NAPUPUTOL NA ANG KANILANG RELASYON BILANG MAG-ASAWA. NGUNIT HINDI NAWAWALA ANG OBLIGASYON NG MAGULANG PARA SA SUPORTA NG ANAK DAHIL LAMANG SA PAGHIHIWALAY NG MAGULANG. NAWAWALA LANG OBLIGASYON NG MAGULANG PARA SA SUPORTA NG ANAK KUNG NAGING 18 YEARS OLD NA ANG ANAK OR NAG-ASAWA NA OR NAKATAPOS NA NG KOLEHIYO.

Marami ang nagtatanong sa E-Lawyers Online kung natapos na daw ba ang proseso ng annulment of marriage o declaration of nullity of marriage ay may karapatan pa daw ba na humingi ng suporta ang asawa at ang kanilang mga anak? Ganito ang tanong nila:

“Atty, ang asawa ko po ay nagsampa ng annulment of marriage sa korte at ito ay lumabas na at annulled na kami, pwede ba rin ba akong kumuha ng suporta sa kanya? Ayaw magbigay ng asawa ko ng suporta sa anak namin dahil hiwalay na kami based sa desisyon, wala na daw siya obligasyon sa amin, tama po ba ito?

Ang Art. 68 ng Family Code ay nagsasabi na “the husband and wife are obliged to live together, observe mutual love, respect and fidelity, and render MUTUAL HELP AND SUPPORT. Ibig sabihin, ang mag-asawa ay may obligation na magbigay ng suporta sa isat-isa. Ang batas na ito ay sinundan ng Article 105 kung saan sinabi na “subject to the provisions of the succeeding articles, the following are obliged to support each other to the whole extent set forth in the preceding article: (1) The spouses;”. Ibig sabihin, hanggat kasal at may bisa ang kasal ng mag-asawa, ang obligasyon ng mutual help and support ay mananatili sa pagitan ng mag-asawa.

Kung may proseso ng annulment of marriage o declaration of nullity of marriage, hindi pa rin nawawala ang obligasyon ng suporta sa pagitan ng mag-asawa ayon sa Article 198 ng Family Code. “Art. 198. During the proceedings for legal separation or for annulment of marriage, and for declaration of nullity of marriage, the spouses and their children shall be supported from the properties of the absolute community or the conjugal partnership. After the final judgment granting the petition, the obligation of mutual support between the spouses ceases. However, in case of legal separation, the court may order that the guilty spouse shall give support to the innocent one, specifying the terms of such order.”

Ngunit kung may desisyon na ang korte sa annulment of marriage o declaration of nullity of marriage na pinapawalang bisa ang kasal, ang nasabing obligation of mutual help and support ay napuputol na. Kung kaya ang asawa ay hindi na required magbigay ng suporta sa dating asawa o humingi ng suporta sa dating asawa.

Pagdating naman sa suporta sa anak, ang obligasyon ng suporta ng magulang ay hindi napuputol o nawawala kahit may desisyon na ang korte sa annulment of marriage o declaration of nullity of marriage na pinapawalang bisa ang kasal dahil ang kanilang relasyon bilang magulang at anak ay patuloy. Nasa Article 228 ng Family Code na permanenteng nawawala ang karapatan ng magulang sa anak kung namatay na ang magulang o ang anak, o naging emancipated na ang anak. Ang emancipation ng anak ay nagaganap kung siya ay umabot na sa edad na 21 years old kung saan ay may karapatan na siyang mabuhay ng independent sa kanyang magulang. Ang obligasyon ng suporta sa anak ay nawawala kung naging 18 years old na ito o na-emancipate na ito, o nag-asawa na o nakatapos na ng kolehiyo. Ang obligasyon ng magulang sa anak ay hindi natatapos sa pagiging 18 years old ng anak kung ito ay nag-aaral pa ng kolehiyo o nagtatapos ng schooling or training for some profession, trade or vocation.

Under Article 234 of the Family Code “emancipation takes place by the attainment of majority. Unless otherwise provided, majority commences at the age of eighteen (18) years (as amended by R.A. 6809)” and under Article 236 of the Family Code “emancipation for any cause shall terminate parental authority over the person and property of the child who shall then be qualified and responsible for all acts of civil life.”

Kung kaya hindi reason sa pagtanggi ng suporta ang pagsasampa ng annulment of marriage o declaration of nullity of marriage ng magulang dahil patuloy pa rin ang obligasyon na ito sa mga anak. Ang ganitong pagdeprive ng suporta ay isang uri ng “economic abuse” under R.A. 9262 otherwise known as Anti-Violence against Women and their Children Act. Ito ay nagpaparusa ng kulong sa hindi pagbibigay ng lalaki ng suporta sa kanyang asawa o kinakasamang babae at kanilang mga anak at ito ay tinatawag na “economic abuse”. Ang krimen na ito ay pinaparusahan dahil ito ay isang uri ng “economic abuse” kung saan nalilimitahan at nakokontrol ang malayang paggalaw ng isang babae at anak nila dahil sa mga ginagawa ng lalaki. Ang sitwasyong ito ay nakasaad sa Section 4 (e) ng R.A.9262 bilang isang uri ng “economic abuse” na magbibigay ng mental o emosyonal na pagdurusa sa biktima. Ang sinumang asawa o kasamang lalaki ang gumawa nito ay pinaparusahan ng prision correcional (6 months – 6 years imprisonment).

Kung gusto nyo magtanong ukol sa suporta at annulment of marriage o declaration of nullity of marriage, register at my website at www.e-lawyersonline.com.

All copyright of this post is reserved by Atty. Marlon P. Valderama and E-Lawyers Online. Sharing is allowed provided the author is acknowledged and clearly indicated.


Leave a Reply