Sponsored Links
Advertisement

Pagpapakasal Sa Ibang Bansa


“ATTY., KAMI PO AY PAREHONG SINGLE NA NASA AFRICA AT WALA PO PHILIPPINE EMBASSY DITO. GUSTO PO NAMIN MAGPAKASAL, PWEDE PO BA DITO? VALID PO BA MAGIGING KASAL NAMIN?”

“AKO PO ATTY. AY NASA ABROAD AT HIWALAY SA ASAWA. ALLOWED PO DITO SA BANSA NA ITO NA MAGPAKASAL AKO MULI, MAGIGING MAY BISA PO BA KASAL KO SA IKALAWA?”

ANG MGA FORMS AT REQUIREMENT NG ISANG KONTRATA PARA ITO AY MAY BISA AY NASASAKOP NG BATAS KUNG SAAN ITO AY PINIRMAHAN NG MGA PARTIDOS. LAHAT NG KASAL NG ISANG FILIPINO NA GINANAP SA LABAS NG PILIPINAS O SA ABROAD NA NAAYON SA BATAS NG NASABING IBANG BANSA AY GINAGALANG NA VALID O MAY BISA DIN SA BATAS NG PILIPINAS AYON NA RIN SA DOKTRINA NG BATAS NA “LEX LOCI CELEBRATIONIS”. ITO ANG GENERAL RULE NGUNIT ITO AY MAY EXCEPTION DAHIL AYON SA ARTICLE 26 NG FAMILY CODE, ANG KASAL NG ISANG FILIPINO KUNG SAAN ANG KASAL AY WALA SA TAMANG EDAD O MAY UNANG KASAL O MAY KAMALIAN O MAY PSYCHOLOGICAL INCAPACITY O INCESTOUS O AGAINST PUBLIC POLICY, ANG NASABING KASAL AY VOID AT WALANG BISA.

Marami ang nagtatanong sa E-Lawyers Online kung ano ang legal na epekto ng isang kasal ng mga Filipino na ginanap sa abroad at hindi sa loob ng Philippine Embassy. Ito ba ay valid? Ganito ang question ng reader:

“Ask lang po E-Lawyers, pwede po kami pakasal dito sa abroad kahit hindi sa Philippine Embassy? Pareho naman kami single. Pwede po?”

“Atty., matagal na po akong hiwalay atty, nasa Middle East po ako at pinayagan kami na magpakasal dito sa abroad ng boyfriend ko, valid ba ang marriage ko sa abroad kahit may una pa akong kasal sa Pilipinas? Legal ba akong asawa atty? Gusto ko lang po makasigurado dahil sayang din po kung wala itong bisa.”

Ayon sa ating New Civil Code, particularly ang Article 17, ang mga forms at mga requirement ng mga kontrata at iba pang dokumento na pinirmahan sa ibang bansa ay nasasakop ng batas ng bansa kung saan ito ay pinirmahan. For example, kung ang kontrata ay pinirmahan sa United Kingdom (UK), ang batas na gagamitin para malaman na ito ay valid ay ang UK Law. Ito ang tinatawag na doktrina ng “lex loci celebrationis” o ang batas na sasakop sa kontrata ay ang batas ng lugar kung saan ito pinirmahan. Kung ang kontrata ay pinirmahan naman sa abroad ngunit sa loob ng Philippine Embassy, ito ay masasakop ng Philippine law dahil under international law, ang Philippine Embassy ay parte ng Philippine territory.

Art. 17.  The forms and solemnities of contracts, wills, and other public instruments shall be governed by the laws of the country in which they are executed.

When the acts referred to are executed before the diplomatic or consular officials of the Republic of the Philippines in a foreign country, the solemnities established by Philippine laws shall be observed in their execution.

Prohibitive laws concerning persons, their acts or property, and those which have, for their object, public order, public policy and good customs shall not be rendered ineffective by laws or judgments promulgated, or by determinations or conventions agreed upon in a foreign country.

Kung ang kasal ng dalawang Filipino ay ginawa sa abroad, ito po ay nangangahulugan na valid ang kasal?

Depende. Article 17 ng New Civil Code kung saan sinasabi na “prohibitive laws concerning persons, their acts or property, and those which have, for their object, public order, public policy and good customs shall not be rendered ineffective by laws or judgments promulgated, or by determinations or conventions agreed upon in a foreign country.” Ang pagpayag ng isang bansa na magpakasal ang isang Filipino sa bansa nila kahit ito ay may kasal sa una ay walang epekto sa Pilipinas dahil ito ay pinagbabawal sa batas ng Pilipinas.

Ayon sa Article 26 ng Family Code, lahat ng marriages na solemnized sa abroad or kinasal outside the Philippines na naayon sa batas ng bansa kung saan ginanap ang kasal, ay valid at may bisa under sa batas ng Pilipinas except those prohibited or pinagbabawal na marriages under Articles 35 (1) underage, (4) bigamous, (5) mistake and (6) re-appearance of absent spouse, 36 psychological incapacity, 37 incestous and 38 against public policy.

“Art. 26. All marriages solemnized outside the Philippines, in accordance with the laws in force in the country where they were solemnized, and valid there as such, shall also be valid in this country, except those prohibited under Articles 35 (1), (4), (5) and (6), 3637 and 38.”

Kung ang kasal sa abroad ay pumapatak sa nasabing uri ng void marriages, ito ay walang bisa sa batas ng Pilipinas at hindi matatawag na legal na asawa ang Filipino na nagpakasal.

Kung gusto nyo na magkonsulta tungkol sa tamang proseso ng pagpapakasal, register at my website at www.e-lawyersonline.com.

Visit and also like my FB page E-Lawyers Online. Ito ang link http://www.facebook.com/E.Lawyers.Online.


Leave a Reply